其實兩句都啱。或者咁講，一句啱，另外一句，唔係一個完整嘅句子。而兩句嘅意思，係完全唔同嘅。
作為一個獨立嘅慣用語，你同對方做咗一啲嘢，對方同你講，唔該。或者你俾咗啲嘢對方，對方講，多謝。咁你話，唔使客氣，英文點講呢，就係：”You’re welcome.” “Welcome” 後面，冇 d 字母嗰句至啱。
You-are-welcome 呢三個英文字，日常生活中嘅講法，係唔會三個字獨立咁講嘅，you 同埋 are兩個字，會連埋一齊講，you’re, 唔係 you / are 咁分開講。所以呢句，會咁講，”You’re welcome.” “You’re welcome.” 寫出嚟嗰陣時， You，後面會加個撇號，apostrophe，將 are -- ARE前面嗰個 a 字母撇走。咁就變成： “You’re welcome.”
文法上呢，”You’re welcome.” 呢句，”welcome” 嗰個字, 係作為形容詞用 ，adjective，唔係作為動詞，verb，用嘅。
香港人，或者唔止喺香港人，對英文係非母語嘅人來講，好多都以為 ”welcome” 喺呢度係動詞嚟嘅，所以喺呢個句子嘅結構上面，因為”welcome” 前面嗰個係 “are”，一個 be形式嘅動詞，咁就會以為呢個係一個被動式嘅動詞，所以講咗，或者寫成， “You are welcomed.” 喺 ”welcome” 後面加個d字母，以為係動詞上嘅 過去分詞，past participle，而呢句，係一個被動式形態嘅句子。
之所以有咁嘅誤會，係因為 ”welcome” 呢個字，的確好多時候，係作為動詞用嘅，『歡迎』咁嘅意思。”Welcome” 作為一個動詞，係及物動詞， transitive verb， 而及物動詞後面一定要跟住一個受詞，object。所以如果你講 ”You’re welcome.” 後面乜都冇，咁你都應該知道呢個唔係作為動詞用。
舉一個例句，”welcome” 作為動詞，『歡迎』咁嘅意思：”We welcome you to visit our new home.” ---- 『我哋歡迎你參觀我哋嘅新屋。』
“Welcome” ，歡迎咁解，及物動詞，後邊跟住，”you”，呢個受詞，object。
嗱，呢個句子，”We welcome you to visit our new home.” 係主動式嘅，active voice。作為被動式呢， passive voice，你可以咁講：“You are welcomed (by us) to visit our new home.” “By us” ， 通常都會省略左去嘅，所以你會講：“You are welcomed to visit our new home.”
所以呢度就會出現，”You are welcomed” 呢三個字，即係 『你係歡迎嘅』， 咁嘅意思。”You are welcomed” ， 加埋省略左嗰個 ”by us” ， 就係 “We welcome you” 嘅被動形態講法。
所以welcome， 作為一個動詞，被動式形態，會喺咁嘅情況嗰度出現。但喺咁嘅情況出現嗰陣時呢，”You are welcomed” ， 好少獨立成為一個句子，多數都係一個句子裏頭嘅一個片語，phrase。
“Welcome” 作為一個動詞，『歡迎』嘅意思，過去式係 “welcomed” ， 過去分詞，都係 “welcomed” ， 有個d字母喺尾嘅。
所以，”You’re welcome”，冇d字尾嘅，作為一個獨立嘅慣用語，當人哋同你講『多謝』，或者『唔該』，嗰陣時，你話『唔使客氣』，或者『唔駛唔該』，英文就係 “You’re welcome.” 後面係冇d字母嘅，而且 “welcome”，係作為一個形容詞用嘅。
“You are welcome.” 冇d字尾呀， 呢個句子結構，”welcome” ，作為一個形容詞，就好比 “You are beautiful.” 呢個句子咁樣。兩個句子，都係喺 “you” – subject 之後，有一個 be 形式嘅動詞，喺呢度就係 “are” 啦，係一個 linking verb，跟住一個形容詞，”welcome” ，同埋 “beautiful”，都係形容詞，作為主詞嘅補語，subject complement，作用係描述主詞 “you”。
我諗咁講之後，大家都會清楚啦。
Comments